Toshkent viloyatining Olmaliq va Chirchiq shaharlari hamda Qashqadaryo viloyatining Yakkabog‘ tumanida navbatdagi uchrashuvlar tashkil etildi. Jumladan, Chirchiq shahridagi “Yoshlik” mahalla binosida tashkil etilgan sayyor qabulda mahalliy deputat O. Muqimov ham ishtirok etdi.

Sayyor qabullarning asosiy maqsadi hududlarda issiqlik ta’minoti bilan bog‘liq masalalar yuzasidan aholi murojaatlarini o‘rganish, kelib tushgan murojaatlarga yechim topish va fuqarolarga amaliy yordam ko‘rsatishdan iborat. Shuningdek, issiqlik ta’minoti tizimida yuzaga kelishi mumkin bo‘lgan nosozliklarning oldini olish hamda hisob-kitoblar va qarzdorlik masalalari yuzasidan kelib tushgan murojaatlarni o‘rganishga ham alohida e’tibor qaratilmoqda.

Uchrashuvlar davomida aholi tomonidan sohani yanada rivojlantirishga doir qator takliflar ham bildirildi. Mazkur takliflar mutaxassislar tomonidan o‘rganilib, ular asosida tegishli choralar ko‘rish belgilab olindi.

Hududlarda o‘tkazilgan qabullar davomida bildirilgan barcha taklif va murojaatlarni ijobiy hal etish yuzasidan tegishli tashkilotlar hamda mas’ul bo‘limlarga zarur topshiriqlar berildi. Ushbu tadbir aholining huquq va manfaatlarini himoya qilish hamda ularning muammolarini tezkor hal etishga qaratilgani bilan ahamiyatlidir.