Yangilik ·
Osiyo taraqqiyot banki missiyasi bilan uchrashuv o‘tkazildi
Bugun "Issiqlikta’minoti" AJ boshqaruv raisining birinchi o‘rinbosari Sherzod Sultonov, Qurilish va uy-joy kommunal xo‘jaligi hamda Iqtisodiyot va moliya vazirligi mas’ullari ishtirokida Osiyo taraqqiyot bankining (OTB) davlat-xususiy sheriklik loyihalari bo‘yicha maslahat missiyasi vakillari bilan uchrashuv o‘tkazdi.
Unda Buxoro viloyati issiqlik ta’minoti tarmoqlarini modernizatsiya qilish loyihasining joriy holati, amalga oshirilayotgan ishlar va navbatdagi bosqich vazifalari muhokama qilindi.
Asosiy e’tibor loyihalarning konseptual va tender hujjatlarini tayyorlash, xalqaro tanlov jarayonlarini tashkil etish hamda moliyaviy-tarif modelini shakllantirish masalalariga qaratildi.
Shuningdek, hududlarda zamonaviy va energiya tejamkor issiqlik ta’minoti infratuzilmasini rivojlantirish, ilg‘or xalqaro tajribani O‘zbekiston sharoitiga moslashtirish hamda xususiy sektor investitsiyalarini jalb etish bo‘yicha kelgusidagi hamkorlik rejalari belgilab olindi.