Yangilik ·
Navoiyda tezkorlik va hamkorlik sinovdan o‘tkazildi
Kuz-qish mavsumida barqaror issiqlik ta’minotini ta’minlash, avariya holatlarining oldini olish va favqulodda vaziyatlarga shaylikni oshirish — ustuvor vazifalardan biri. Navoiy viloyati “Issiqlik ta’minoti” MCHJning Zarafshon filialida hududiy Favqulodda vaziyatlar bo‘limlari hamkorligida maxsus-taktik o‘quv mashqi o‘tkazildi.
Mashg‘ulot davomida issiqlik tarmoqlari va qozonxonalarda yuzaga kelishi mumkin bo‘lgan favqulodda holatlarga tezkor munosabat bildirish, avariya oqibatlarini bartaraf etish, yong‘in xavfsizligini ta’minlash hamda aholi hayoti va mol-mulkini muhofaza qilish bo‘yicha amaliy harakatlar sinovdan o‘tkazildi.
Shuningdek, avariya-tiklash brigadalarining tezkorligi, maxsus texnikalarning shayligi va mas’ul xizmatlarning o‘zaro hamkorlikdagi harakatlari baholandi.
Mazkur mashg‘ulot favqulodda vaziyatlarga tayyorgarlikni mustahkamlash, xodimlarning amaliy ko‘nikmalarini oshirish hamda 2026–2027-yillar kuz-qish mavsumini betalafot o‘tkazishga xizmat qiladi.