Koreya tomoni 2 mln dollargacha sarmoya kiritmoqchi

Janubiy Koreyaning “HSCMT” – yaʼni, aqlli o‘lchash uskunalari ishlab chiqaradigan yetakchi kompaniyasi mutaxassislari Olmaliq va Angren shaharlarida markazlashgan issiqlik taʼminoti tizimi holati bo‘yicha o‘rganish ishlarini olib bordi.

Joylarda tarmoqlar holati, issiqlik yo‘qotishlari, mavjud boshqaruv va monitoring jarayonlari tahlil qilindi. Shuningdek, infratuzilmani modernizatsiya qilish imkoniyatlari ko‘rib chiqildi.

Olib borilgan tahlillar natijasiga ko‘ra, sunʼiy intellekt asosida ishlaydigan integratsiyalashgan monitoring va boshqaruv tizimini joriy etish bo‘yicha pilot loyiha taklif etildi. Loyiha doirasida:

• issiqlik yo‘qotishlarini aniqlash va qisqartirish;

• real vaqt rejimida nazoratni yo‘lga qo‘yish;

• avariyalarning oldini olish;

• energiya samaradorligini oshirish ko‘zda tutilmoqda.

Pilot loyiha 3–4 ta hududda amalga oshirilishi rejalashtirilgan bo‘lib, zamonaviy hisoblagich va raqamli monitoring uskunalarini joriy etish nazarda tutilgan.

Loyihaning umumiy investitsiya hajmi 2 mln AQSH dollariga teng.

“Issiqliktaʼminoti” AJ rahbariyati bilan bo‘lib o‘tgan uchrashuvda o‘rganish ishlari yakunlari bo‘yicha hamkorlikni davom ettirish masalalari muhokama qilindi.