Bugun «Issiqlikta’minoti» AJ boshqaruvi raisi Ilhom To‘rayev Jahon banki missiyasi vakillari bilan uchrashuv o‘tkazdi
Unda Jahon banki ishtirokidagi «Andijon, Chirchiq, Buxoro va Samarqand shaharlarida markazlashgan issiqlik ta’minoti tizimini rekonstruksiya qilish va energiya samaradorligini oshirish» loyihasini yakunlash bo‘yicha fikr-mulohazalar almashildi.
Uchrashuvda to‘rtta shahardagi asosiy va qo‘shimcha loyihalar birma-bir ko‘rib chiqildi. Mavjud kamchiliklarni bartaraf etish, obyektlarni foydalanishga qabul qilish bilan bog‘liq barcha jarayonlar gaplashib olindi. Jahon banki bilan hamkorlikdagi mazkur loyiha joriy yilning oktyabr oyi so‘nggiga qadar yakunlanishi rejalashtirilgan.
Ushbu loyiha doirasida bank tomonidan 140,0 mln AQSH dollari mablag‘ ajratilgan bo‘lib, quyidagi ishlar amalga oshirilgan:
- 385 MVt quvvatga ega qozonxonalar rekonstruksiya va modernizatsiya qilindi;
- 89,8 km issiqlik tarmog‘i almashtirildi;
- 1296 ta individual issiqlik punkti o‘rnatidi;
- 1034 ta ko‘p qavatli uyning ichki isitish tizimi tiklandi.
