Yangiliklarga qaytish

Yangilik ·

Jahon banki vakillari bilan hamkorlikning ustuvor yo‘nalishlari muhokama qilindi

Bugun vaziri o‘rinbosari Ozoda Jo‘rayeva boshchiligida Jahon banki vakillari bilan uchrashuv o‘tkazildi.

Muloqot davomida O‘zbekistonda Barqaror issiqlik ta’minoti dasturini amalga oshirish, jumladan, Global ekologik jamg‘arma (GEF) ko‘magini jalb qilish imkoniyatlari, Hukumatning issiqlik ta’minoti sohasidagi maqsad va ustuvor yo‘nalishlari, shuningdek, yangi dasturning milliy islohotlar bilan uyg‘unligi muhokama qilindi.

Shuningdek, “Markazlashtirilgan issiqlik energiyasi samaradorligi loyihasi (DHEEP)”ning amalga oshirilish jarayoni, erishilgan asosiy natijalar, loyihani yakunlash muddatlari hamda keyingi bosqichda amalga oshiriladigan vazifalar ko‘rib chiqildi.

Uchrashuv davomida yangi dastur doirasida natijalarga asoslangan moliyalashtirish yondashuvi, dasturning dastlabki qamrovi va amalga oshirish mexanizmlari yuzasidan fikr almashildi.

Alohida ta’kidlanganidek, asosiy maqsad — aholini sifatli va uzluksiz issiqlik energiyasi bilan ta’minlash, mavjud infratuzilmani modernizatsiya qilish hamda energiya resurslaridan samarali foydalanish orqali issiqlik ta’minoti xizmatlari sifatini yanada oshirishdan iborat.

Yakunda tomonlar issiqlik ta’minoti sohasidagi islohotlarni izchil davom ettirish, energiya samaradorligini oshirish hamda belgilangan vazifalarni samarali amalga oshirish borasidagi hamkorlikni davom ettirishga kelishib oldilar.

Boshqa yangiliklar

Barcha yangiliklar

Xitoy delegatsiyasi bilan uchrashuv o‘tkazildi

Bugun "Issiqlikta’minoti" AJ boshqaruv raisining o‘rinbosari Alisher Yuldashev Xitoy Xalq Respublikasining "China International Marine Containers (Group) Co., Ltd." (CIMC) kompaniyasi delegatsiyasi bilan uchrashuv o‘tkazdi. …

Osiyo taraqqiyot banki missiyasi bilan uchrashuv o‘tkazildi

Bugun "Issiqlikta’minoti" AJ boshqaruv raisining birinchi o‘rinbosari Sherzod Sultonov, Qurilish va uy-joy kommunal xo‘jaligi hamda Iqtisodiyot va moliya vazirligi mas’ullari ishtirokida Osiyo taraqqiyot bankining …

Konimexda 1000 tup daraxt ko‘chati ekildi

Navoiy viloyati “Issiqlik ta’minoti” MCHJ tomonidan “Yashil makon” umummilliy loyihasi doirasida keng ko‘lamli ko‘chat ekish tadbiri tashkil etildi. Konimex tumani Zafarobod qo‘rg‘onida joylashgan jamiyatning …