“Yangi Navoiy” shaharchasining issiqlik ta’minoti loyihalari ko‘zdan kechirildi
Ayni paytda "Issiqlik ta’minoti" AJ Boshqaruv raisi Ilhom To‘rayev Navoiy shahrida barpo etilayotgan “Yangi Navoiy” shaharchasini zarur muhandislik-kommunikatsiya infratuzilmasi bilan ta’minlash bo‘yicha amalga oshirilayotgan loyihalar bilan joyida tanishmoqda.
Shuningdek, markazlashtirilgan issiqlik ta’minoti tizimini barpo etish, magistral va taqsimlovchi issiqlik tarmoqlarini qurish, zamonaviy energiya tejamkor texnologiyalarni joriy etish hamda istiqboldagi iste’molchilarni uzluksiz va sifatli issiqlik energiyasi bilan ta’minlashga qaratilgan loyiha yechimlari muhokama qilinmoqda.
Ma’lumot uchun, “Yangi Navoiy” shaharchasining birinchi bosqichida 30 ga yaqin ko‘p qavatli turar joylar hamda Navoiy davlat pedagogika universitetining 1-bosqich obyektlari markazlashtirilgan issiqlik ta’minoti tizimiga ulanadi. Mazkur loyiha hududdagi iste’molchilarni uzluksiz va sifatli issiqlik energiyasi bilan ta’minlash, zamonaviy shahar infratuzilmasini shakllantirish hamda energiya samaradorligini oshirishga xizmat qiladi.
