IIPni ekspluatatsiya qilish bo‘yicha ikki kunlik o‘quv seminari yakunlandi

“Issiqlik ta’minoti” AJ tarkibidagi hududiy korxonalarning bosh muhandislari hamda hududlarda biriktirilgan mutaxassislar uchun tashkil etilgan IIPni ekspluatatsiya qilish bo‘yicha ikki kunlik o‘quv seminari yakunlandi.

Individual issiqlik punktlari (IIP) tashqi havo haroratiga mos ravishda issiqlik ta’minotini avtomatik boshqarish, energiya resurslaridan samarali foydalanish hamda iste’molchilar uchun qulay harorat rejimini ta’minlash imkonini beradi.

Seminarning ikkinchi kunida “Texnopark” MCHJ mutaxassislari tomonidan IIP uskunalarini ishga tushirish, sozlash va ularga texnik xizmat ko‘rsatish masalalari yuzasidan ma’lumotlar berilib, ishtirokchilarning mazkur yo‘nalishdagi bilim va ko‘nikmalari oshirildi. Shuningdek, ishtirokchilar va mutaxassislar o‘rtasida savol-javoblar tashkil etilib, amaliy faoliyatda uchrayotgan masalalar yuzasidan fikr almashildi.