Bugun Qurilish va uy-joy kommunal xo‘jaligi vazirligida vazir o‘rinbosari Ozoda Jo‘rayeva, “Issiqlikta’minoti” AJ boshqaruvi raisi Ilhom To‘rayev Xitoy sanoat energiyasini tejash va yashil energiya ishlab chiqarish uyushmasi vakillarini qabul qildi
Asosiy e’tibor yurtimizda issiqlik ta’minoti tizimini modernizatsiya qilishga qaratildi.
Uchrashuvda Xitoy sanoat energiyasini tejash va yashil energiya ishlab chiqarish uyushmasi vakillari tomonidan Andijon viloyatida issiqlik ta’minoti tizimini modernizatsiya qilish, energiya tejamkor va ekologik toza texnologiyalarni joriy etish, biomassa qozonxonalari, quyosh issiqligi, issiqlik nasoslari hamda tabiiy gaz chiqindi issiqligidan samarali foydalanishga doir takliflar taqdim etildi.
Uchrashuv yakunida tomonlar Xitoy tomonidan taqdim etilgan texnik, investitsion va tijoriy takliflarni batafsil o‘rganish, ularni O‘zbekiston sharoitida qo‘llash imkoniyatlarini tahlil qilish hamda istiqbolda qo‘shma pilot loyihalarni amalga oshirish bo‘yicha hamkorlikni davom ettirishga kelishib oldilar.
