Osiyo taraqqiyot banki tomonidan 1,3 million AQSH dollari miqdorida grant mablag‘i ajratilgani qayd etildi

Bu haqda Osiyo taraqqiyot banki delegatsiyasi bilan Qurilish va uy-joy kommunal xo‘jaligi vazirligida bo‘lib o‘tgan uchrashuvda ma’lum qilindi. Ushbu grant hisobidan Navoiy, Toshkent va Farg‘ona viloyatlarining markazlashgan issiqlik ta’minoti tizimlari modernizatsiya qilinadi. Uchrashuvda loyihaga ko‘rilayotgan tayyorgarlik jarayonlari, texnik va moliyaviy masalalar yuzasidan fikr almashildi. O‘zbekistonda kommunal infratuzilmani modernizatsiya qilish, energiya samaradorligini oshirish va aholiga ko‘rsatilayotgan kommunal xizmatlar sifatini yanada yaxshilashga qaratilgan bir qator loyiha va takliflar ko‘rib chiqildi. Shuningdek, issiqlik ta’minoti sohasida zamonaviy bilim va ko‘nikmalarga ega mutaxassislarni tayyorlash hamda ularning malakasini xalqaro tajriba asosida oshirishga qaratilgan grant loyihasi bo‘yicha ham mulohazalar bildirildi.