Navoiyda kuz-qish mavsumiga tayyorgarlik: issiqlik ta’minoti tizimida ishlar jadallashmoqda

Navoiy viloyati “Issiqlik ta’minoti” MCHJ mas’ullari Navoiy shahrida issiqlik quvurlarini ta’mirlash hamda kuz-qish mavsumiga tayyorgarlik ko‘rish bo‘yicha amalga oshirilayotgan ishlarni ko‘zdan kechirdi.

Jarayonda mavjud issiqlik tarmoqlarining texnik holati, ta’mirlash va yangilash ishlari sifati, shuningdek, belgilangan rejalar ijrosi atroflicha o‘rganildi.

Mutasaddilarga ishlarni belgilangan muddat va yuqori sifatda yakunlash, aholiga barqaror issiqlik yetkazib berishni ta’minlash yuzasidan zarur ko‘rsatmalar berildi.