Buxoroda zamonaviy trigeneratsiya texnologiyasi asosida yangi issiqlik tizimi barpo etilmoqda

Buxoro viloyatining yangi ma’muriy markazi va unga yondosh hududlardagi ko‘p qavatli uylarni issiqlik bilan ta’minlash maqsadida yirik loyiha ustida ishlar jadal davom ettirilmoqda.

Ayni paytda obyektda quyidagi ishlar amalga oshirilmoqda:

Qozonxona qurilishi: Umumiy quvvati 32 MVt bo‘lgan zamonaviy trigeneratsiya qozonxonasi binosida temir konstruksiyalarni o‘rnatish ishlari olib borilmoqda.

Issiqlik tarmoqlari: Rejadagi 3400 metrlik tarmoqning 3350 metri (98%) to‘liq montaj qilindi.

Muhandislik inshootlari: Loyiha doirasidagi 16 ta issiqlik kamerasidan 13 tasi qurib bitkazildi.

Hozirda obyektda malakali ishchi-xodimlar hamda maxsus texnikalar yordamida qurilish-montaj jarayonlari uzluksiz davom etmoqda. Yangi tizim ishga tushirilishi natijasida hududdagi aholi xonadonlari va obyektlar barqaror issiqlik, elektr energiyasi va sovitish xizmatlari bilan ta’minlanadi.